पद ९४

काहे ते हरि मोहिं बिसारो ।जानत निज महिमा मेरे अघ, तदपि न नाथ सँभारो॥ 1 ॥

kāhe te hari mohiṃ bisāro | jānata nija mahimā mere agha, tadapi na nātha sa~bhāro

पतित-पुनीत, दीनहित, असरन-सरन कहत श्रुति चारो ।हौं नहिं अधम, सभीत, दीन ? कीधौं बेदन मृषा पुकारो ?॥ 2 ॥

patita-punīta, dīnahita, asarana-sarana kahata śruti cāro | hauṃ nahiṃ adhama, sabhīta, dīna ? kīdhauṃ bedana mṛṣā pukāro ?

खग-गनिका-गज-ब्याध-पाँति जहँ तहँ हौंहूँ बैठारो ।अब केहि लाज कृपानिधान ! परसत पनवारो फारो॥ 3 ॥

khaga-ganikā-gaja-byādha-pā~ti jaha~ taha~ hauṃhū~ baiṭhāro | aba kehi lāja kṛpānidhāna ! parasata panavāro phāro

जो कलिकाल प्रबल अति होतो, तुव निदेसतें न्यारो ।तौ हरि रोष भरोस दोष गुन तेहि भजते तजि गारो॥ 4 ॥

jo kalikāla prabala ati hoto, tuva nidesateṃ nyāro | tau hari roṣa bharosa doṣa guna tehi bhajate taji gāro

मसक बिरंचि, बिरंचि मसक सम, करहु प्रभाउ तुम्हारो ।यह सामरथ अछत मोहिं त्यागहु, नाथ तहाँ कछु चारो॥ 5 ॥

masaka biraṃci, biraṃci masaka sama, karahu prabhāu tumhāro | yaha sāmaratha achata mohiṃ tyāgahu, nātha tahā~ kachu cāro

नाहिन नरक परत मोकहँ डर, जद्यपि हौं अति हारो ।यह बड़ि त्रास दासतुलसी प्रभु, नामहु पाप न जारो॥ 6 ॥

nāhina naraka parata mokaha~ ḍara, jadyapi hauṃ ati hāro | yaha baḍa़i trāsa dāsatulasī prabhu, nāmahu pāpa na jāro