पद ४७

ऐसी आरती राम रघुबीरकी करहि मन ।हरन दुखदुंद गोबिंद आनन्दघन॥ 1 ॥

aisī āratī rāma raghubīrakī karahi mana | harana dukhaduṃda gobiṃda ānandaghana

अचरचर रूप हरि, सरबगत, सरबदा बसत, इति बासना धूप दीजै ।दीप निजबोधगत-कोह-मद-मोह-तम, प्रौढ़ अभिमान चितबृत्ति छीजै॥ 2 ॥

acaracara rūpa hari, sarabagata, sarabadā basata, iti bāsanā dhūpa dījai | dīpa nijabodhagata-koha-mada-moha-tama, prauḍha़ abhimāna citabṛtti chījai

भाव अतिशय बिशद प्रवर नैबेद्य शुभ श्रीरमण परम संतोषकारी ।प्रेम-तांबूल गत शूल संशय सकल, बिपुल भव-बासना-बीजहारी॥ 3 ॥

bhāva atiśaya biśada pravara naibedya śubha śrīramaṇa parama saṃtoṣakārī | prema-tāṃbūla gata śūla saṃśaya sakala, bipula bhava-bāsanā-bījahārī

अशुभ-शुभकर्म-घृतपूर्ण दश बर्तिका, त्याग पावक, सतोगुण प्रकासं ।भक्ति-बैराग्य-बिज्ञान दीपावली, अर्पि नीराजनं जगनिवासं॥ 4 ॥

aśubha-śubhakarma-ghṛtapūrṇa daśa bartikā, tyāga pāvaka, satoguṇa prakāsaṃ | bhakti-bairāgya-bijñāna dīpāvalī, arpi nīrājanaṃ jaganivāsaṃ

बिमल हृदि-भवन कृत शांति-पर्यंक शुभ, शयन बिश्राम श्रीरामराया ।क्षमा-करुणा प्रमुख तत्र परिचारिका, यत्र हरि तत्र नहिं भेद, माया॥ 5 ॥

bimala hṛdi-bhavana kṛta śāṃti-paryaṃka śubha, śayana biśrāma śrīrāmarāyā | kṣamā-karuṇā pramukha tatra paricārikā, yatra hari tatra nahiṃ bheda, māyā

एहि आरती-निरत सनकादि, श्रुति, शेष, शिव, देवरिषि, अखिलमुनि तत्त्व-दरसी ।करै सोइ तरै, परिहरै कामादि मल, बदति इति अमलमति-दास तुलसी॥ 6 ॥

ehi āratī-nirata sanakādi, śruti, śeṣa, śiva, devariṣi, akhilamuni tattva-darasī | karai soi tarai, pariharai kāmādi mala, badati iti amalamati-dāsa tulasī