पद २३९

जाको हरि दृढ़ करि अंग करयो ।सोइ सुसील, पुनीत, बेदबिद, बिद्या-गुननि भरयो॥ 1 ॥

jāko hari dṛḍha़ kari aṃga karayo | soi susīla, punīta, bedabida, bidyā-gunani bharayo

उतपति पांडु-सुतनकी करनी सुनि सतपंथ डरयो ।ते त्रैलोक्य-पूज्य, पावन जस सुनि-सुनि लोक तरयो॥ 2 ॥

utapati pāṃḍu-sutanakī karanī suni satapaṃtha ḍarayo | te trailokya-pūjya, pāvana jasa suni-suni loka tarayo

जो निज धरम बेदबोधित सो करत न कछु बिसरयो ।बिनु अवगुन निरकलंक नृग मज्जित कर गहि उधरयो॥ 3 ॥

jo nija dharama bedabodhita so karata na kachu bisarayo | binu avaguna nirakalaṃka nṛga majjita kara gahi udharayo

ब्रह्म बिसिख ब्रह्मांड दहन छम गर्भ न नृपति जरयो ।अजर-अमर, कुलिसहुँ नाहिं बध, सो पुनि फेन मरयो॥ 4 ॥

brahma bisikha brahmāṃḍa dahana chama garbha na nṛpati jarayo | ajara-amara, kulisahu~ nāhiṃ badha, so puni phena marayo

बिप्र अजामिल अरु सुरपति तें कहा जो नहिं बिगरयो ।उनको कियो सहाय बहुत, उरको संताप हरयो॥ 5 ॥

bipra ajāmila aru surapati teṃ kahā jo nahiṃ bigarayo | unako kiyo sahāya bahuta, urako saṃtāpa harayo

गनिका अरु कंदरपतें जगमहँ अघ न करत उबरयो ।तिनको चरित पवित्र जानि हरि निज हृदि-भवन धरयो॥ 6 ॥

ganikā aru kaṃdarapateṃ jagamaha~ agha na karata ubarayo | tinako carita pavitra jāni hari nija hṛdi-bhavana dharayo

केहि आचरन भलो मानैं प्रभु सो तौ न जानि परयो ।तुलसिदास रघुनाथ-कृपाको जोवत पंथ खरयो॥ 7 ॥

kehi ācarana bhalo mānaiṃ prabhu so tau na jāni parayo | tulasidāsa raghunātha-kṛpāko jovata paṃtha kharayo