पद २१५

श्रीरघुबीरकी यह बानि ।नीचहू सों करत नेह सुप्रीति मन अनुमानि॥ 1 ॥

śrīraghubīrakī yaha bāni | nīcahū soṃ karata neha suprīti mana anumāni

परम अधम निषाद पाँवर, कौन ताकी कानि? ।लियो सो उर लाइ सुत ज्यों प्रेमको पहिचानि॥ 2 ॥

parama adhama niṣāda pā~vara, kauna tākī kāni? | liyo so ura lāi suta jyoṃ premako pahicāni

गीध कौन दयालु, जो बिधि रच्यो हिंसा सानि? ।जनक ज्यों रघुनाथ ताकहँ दियो जल निज पानि॥ 3 ॥

gīdha kauna dayālu, jo bidhi racyo hiṃsā sāni? | janaka jyoṃ raghunātha tākaha~ diyo jala nija pāni

प्रकृति-मलिन कुजाति सबरी सकल अवगुन-खानि ।खात ताके दिये फल अति रुचि बखानि बखानि॥ 4 ॥

prakṛti-malina kujāti sabarī sakala avaguna-khāni | khāta tāke diye phala ati ruci bakhāni bakhāni

रजनिचर अरु रिपु बिभीषन सरन आयो जानि ।भरत ज्यों उठि ताहि भेंटत देह-दसा भुलानि॥ 5 ॥

rajanicara aru ripu bibhīṣana sarana āyo jāni | bharata jyoṃ uṭhi tāhi bheṃṭata deha-dasā bhulāni

कौन सुभग सुसील बानर, जिन्हिं सुमिरत हानि ।किये ते सब सर्बदा, पूजे अजन आपने आनि॥ 6 ॥

kauna subhaga susīla bānara, jinhiṃ sumirata hāni | kiye te saba sarbadā, pūje ajana āpane āni

राम सहज कृपालु कोमल दीनहित दिनदानि ।भजहि ऐसे प्रभुहि तुलसी कुटिल कपट न ठानि॥ 7 ॥

rāma sahaja kṛpālu komala dīnahita dinadāni | bhajahi aise prabhuhi tulasī kuṭila kapaṭa na ṭhāni