पद १८०

बारक बिलोकि बलि कीजै मोहिं आपनो ।राय दशरथके तू उथपन-थापनो॥ 1 ॥

bāraka biloki bali kījai mohiṃ āpano | rāya daśarathake tū uthapana-thāpano

साहिब सरनपाल सबल न दूसरो ।तेरो नाम लेत ही सुखेत होत ऊसरो॥ 2 ॥

sāhiba saranapāla sabala na dūsaro | tero nāma leta hī sukheta hota ūsaro

बचन करम तेरे मेरे मन गड़े हैं ।देखे सुने जाने मैं जहान जेते बड़े हैं॥ 3 ॥

bacana karama tere mere mana gaḍa़e haiṃ | dekhe sune jāne maiṃ jahāna jete baḍa़e haiṃ

कौन कियो समाधान सनमान सीलाको ।भृगुनाथ सो रिषी जितैया कौन लीलाको॥ 4 ॥

kauna kiyo samādhāna sanamāna sīlāko | bhṛgunātha so riṣī jitaiyā kauna līlāko

मातु-पितु-बन्धु-हित, लोक-बेदपाल को ।बोलको अचल, नत करत निहाल को॥ 5 ॥

mātu-pitu-bandhu-hita, loka-bedapāla ko | bolako acala, nata karata nihāla ko

संग्रही सनेहबस अधम असाधुको ।गीध सबरीको कहौ करिहै सराधु को॥ 6 ॥

saṃgrahī sanehabasa adhama asādhuko | gīdha sabarīko kahau karihai sarādhu ko

निराधारको अधार, दीनको दयालु को ।मीत कपि-केवट-रजनिचर-भालु को॥ 7 ॥

nirādhārako adhāra, dīnako dayālu ko | mīta kapi-kevaṭa-rajanicara-bhālu ko

रंक, निरगुनी, नीच जितने निवाजे हैं ।महाराज! सुजन-समाज ते बिराजे हैं॥ 8 ॥

raṃka, niragunī, nīca jitane nivāje haiṃ | mahārāja! sujana-samāja te birāje haiṃ

साँची बिरुदावली न बढ़ि कहि गई है ।सीलसिंधु! ढील तुलसीकी बेर भई है॥ 9 ॥

sā~cī birudāvalī na baḍha़i kahi gaī hai | sīlasiṃdhu! ḍhīla tulasīkī bera bhaī hai