Parva 1, Adhyāya 22

पितृकल्प, शुचिवाक पक्षी का स्वतन्त्र आदि तीन पक्षियों को शाप देना, सुमना पक्षी का अनुग्रहपूर्वक उन्हें शाप से मुक्त करना ततस्तं चक्रवाकौ द्वावूचतुः सहचारिणौ ।आवां ते सचिवौ स्यावस्तव प्रियहितैषिणौ॥ 1 ॥

pitṛkalpa, śucivāka pakṣī kā svatantra ādi tīna pakṣiyoṃ ko śāpa denā, sumanā pakṣī kā anugrahapūrvaka unheṃ śāpa se mukta karanā tatastaṃ cakravākau dvāvūcatuḥ sahacāriṇau | āvāṃ te sacivau syāvastava priyahitaiṣiṇau

तथेत्युक्त्वा च तस्यासीत्तदा योगात्मिका मतिः ।एवं ते समयं चक्रुः शुचिवाक् तमुवाच ह॥ 2 ॥

tathetyuktvā ca tasyāsīttadā yogātmikā matiḥ | evaṃ te samayaṃ cakruḥ śucivāk tamuvāca ha

यस्मात् कामप्रधानस्त्वं योगधर्ममपास्य वै ।एवं वरं प्रार्थयसे तस्माद् वाक्यं निबोध मे॥ 3 ॥

yasmāt kāmapradhānastvaṃ yogadharmamapāsya vai | evaṃ varaṃ prārthayase tasmād vākyaṃ nibodha me

राजा त्वं भविता तात काम्पिल्ये नात्र संशयः ।भविष्यतः सखायौ च द्वाविमौ सचिवौ तव॥ 4 ॥

rājā tvaṃ bhavitā tāta kāmpilye nātra saṃśayaḥ | bhaviṣyataḥ sakhāyau ca dvāvimau sacivau tava

शप्त्वा चानभिभाष्यांस्तांश्चत्वारश्चक्रुरण्डजाः ।तांस्त्रीनभीप्सतो राज्यं व्यभिचारप्रदर्शितान्॥ 5 ॥

śaptvā cānabhibhāṣyāṃstāṃścatvāraścakruraṇḍajāḥ | tāṃstrīnabhīpsato rājyaṃ vyabhicārapradarśitān

शप्ताः खगास्त्रयस्ते तु योगभ्रष्टा विचेतसः ।तानयाचन्त चतुरस्त्रयस्ते सहचारिणः॥ 6 ॥

śaptāḥ khagāstrayaste tu yogabhraṣṭā vicetasaḥ | tānayācanta caturastrayaste sahacāriṇaḥ

तेषां प्रसादं ते चक्रुरथैतान्सुमनाऽब्रवीत् ।सर्वेषामेव वचनात्प्रसादानुगतं वचः॥ 7 ॥

teṣāṃ prasādaṃ te cakrurathaitānsumanā'bravīt | sarveṣāmeva vacanātprasādānugataṃ vacaḥ

अन्तवान् भविता शापो युष्माकं नात्र संशयः ।इतश्च्युताश्च मानुष्यं प्राप्य योगमवाप्स्यथ॥ 8 ॥

antavān bhavitā śāpo yuṣmākaṃ nātra saṃśayaḥ | itaścyutāśca mānuṣyaṃ prāpya yogamavāpsyatha

सर्वसत्त्वरुतज्ञश्च स्वतन्त्रोऽयं भविष्यति ।पितृप्रसादो ह्यस्माभिरस्य प्राप्तः कृतेन वै॥ 9 ॥

sarvasattvarutajñaśca svatantro'yaṃ bhaviṣyati | pitṛprasādo hyasmābhirasya prāptaḥ kṛtena vai

गां प्रोक्षयित्वा धर्मेण पितृभ्य उपकल्प्यताम् ।अस्माकं ज्ञानसंयोगः सर्वेषां योगसाधनः॥ 10 ॥

gāṃ prokṣayitvā dharmeṇa pitṛbhya upakalpyatām | asmākaṃ jñānasaṃyogaḥ sarveṣāṃ yogasādhanaḥ

इमं च वाक्यसन्दर्भश्लोकमेकमुदाहृतम् ।पुरुषान्तरितं श्रुत्वा ततो योगमवाप्स्यथ॥ 11 ॥

imaṃ ca vākyasandarbhaślokamekamudāhṛtam | puruṣāntaritaṃ śrutvā tato yogamavāpsyatha